utubets.com

YouTube transcript

Is it Better to Walk or Run in the Rain?

Languages available: ar ca zh-Hans zh-TW cs da nl en eo fi fr gl de el iw id it ja ko fa pl pt-BR pt-PT ro sr sk es-MX sv th tr vi

transcript:
Neses días fríos e chuviosos, cando te esqueces do chuvasqueiro ou do paraugas e queres estar o máis seco posíbel… debes andar e pasar máis tempo na chuvia? Ou debes correr, o que significa que che darán máis gotas de auga do lado? Supondo que aínda non esteas enchoupado, e que non andes a saltar nas pozas, a resposta é simple. Á medida que saes do camiño dunha gota que cae, entras no camiño doutra. Así, a cantidade de chuvia que cae sobre ti é constante, independentemente da velocidade. Alternativamente, podes imaxinar que as gotas están paradas (igual que o chan debaixo de ti) e que te estás a mover para riba contra a chuvia! E como o volume dun paralelepípedo non depende da súa inclinación, non importa o rápido que te movas horizontalmente, a mesma cantidade de chuvia caerá sobre ti en cada segundo. Agora, se non estás en movemento, só recibirás a chuvia que cae sobre a túa cabeza. Mais se te estás a mover, tamén te mollarás coas gotas que che darán de lado. Entón, en calquera segundo, estarás máis seco se ficas parado, e canto máis rápido te movas, máis mollado estarás. Mais se estás a tentar ir dun punto A a un punto B, ficar parado non vai axudar moito. E no camiño entre os dous puntos, a cantidade total de chuvia que recibirás nos lados non ten relación coa velocidade con que te movas, igual que un limpaneves quitará a mesma cantidade de neve da estrada independentemente da velocidade a que vaia. No caso de correr na chuvia, podes chegar a esa conclusión usando de novo os paralelepípedos. Entón, nun intervalo de tempo calquera, a mesma cantidade de chuvia caerá sobre ti, independentemente da túa velocidade. E, para unha mesma distancia, recibirás a mesma cantidade de chuvia nos lados, outra vez, independentemente da túa velocidade. Entón, o total de chuvia recibida é igual ao total por segundo que recibes na cabeza polo tempo que pasas na chuvia, máis a cantidade de chuvia recibida lateralmente por metro pola distancia percorrida. Daquela, para estar o máis seco posíbel ao ir dun punto a outro, debes tentar reducir a cantidade de auga que cae sobre ti. Ou sexa, iso significa saír da chuvia o máis rápido posíbel.