transcript: Kio okazas se nemovebla
objekto trafas nehaltigeblan
forton? estas populara demando interrete. Kompreneble, relativeco klare sciigas nin ke
ne ekzistas ajna nemovebla objekto – jen kial: Se vi elektas ajnan supozate
nemoveblan objekton, aŭ simple ion
kiel vian domon aŭ la Teron, mi povas igi ĝin moviĝi.
Mi nur devas moviĝi relative al ĝi, ekzemple mi povus veturi rakete, kaj subite
el mia vidpunkto, mi ne moviĝas kaj la Tero preterŝvebas ekstere. La leĝoj
de fiziko ne preferas specifan inercian
kadron de referenco, do el mia vidpunkto ĉi tie, mi ne foriĝas, sed
tamen klaras: la nemovebla objekto moviĝas! Do pro la relativeco, "nemoveblaj objektoj"
neeblas. Sed kion, laŭ mia penso, uloj kutime CELAS per "nemovebla objekto" estas io, kion,
se ĝi ne moviĝas, vi ne povas ekmovi per puŝado. Do, ne nemovebla
objekto, sed "ne-akcelebla". Uzante la duan leĝon de Newton,
ni scias ke akcelo de objekto egalas al la neta
forto sur ĝi dividite per ĝia maso (kvankam vi verŝajne scias tion kiel F=ma).
Do "ne-akcelebla" objekto estus
objekto kun senfine granda maso; objekto tiel masiva ke sendepende de
la neta forto F, dividante F per m vi ĉiam rivas nul. Kompreneble, kiel ni diris, ne povi
akceli objekton ne nepre signifas ke la objekto ne moviĝas – ĝi nur signifas
ke vi ne povas rekte ŝanĝi ĝian rapidon – se ĝi ne moviĝas, ĝi restos senmova.
Kaj se ĝi moviĝas per 100 mejloj por horo, ĝi restos moviĝanta per 100 mejloj por horo. Do, kio pri nehaltigebla forto? Nu,
ĉiuj fundamentaj fortoj naturaj fakte kaŭziĝas de partikloj (kiel fotonoj aŭ gluonoj
aŭ gravitonoj) interagantaj kun objekto kaj ŝanĝantaj ties movokvanton –
la ununura vojo NE influiĝi de
forto estas: neniel ajn interagi kun ĝi (same kiel elektronoj ne interagas
kun gluonoj do do ili ne influiĝas de la forta nuklea forto). Eĉ lumo mem estas
nehaltigebla forto – ĉiu fotono trafanta vian korpon ŝanĝas vian movokvanton
etete, kaj vi ne povas haltigi tion krom per entute eviti lumon aŭ iĝi
travidebla. Do ĉiuj fortoj jam estas nehaltigeblaj sed mia impresoestas ke la vortgrupo
"nehaltigebla forto" ne vere implicu ion pri "fortoj" kiel elektromagnetismo aŭ gravito,
sed pli ĝuste pri io kion vi ne povas deteni de ruliĝi sur vin. T.e., objekto
kies rapido ne ŝanĝeblas per puŝado. Do, SE per nehaltigebla forto ni celas
objekton moviĝantan per rapido neŝanĝebla, tio signifas ke la objekto ne povas
akceliĝi – sed momenton! Tio sonas konata! Memorante kion ni ĵus lernis,
nehaltigebla forto devas esti ne-akcelebla objekto! Kaj tio signifas ke nehaltigebla
forto" kaj "nemovebla objekto" vere estas tute samaj, vidate de malsamaj
referenckadroj! Nu, ĉar senfina maso bezonas senfinan energion, ni ne konas ion ajn en la universo
kondutanta tiel, i.a. ĉar ĝi aŭtomate estus nigra truo tiel
granda ke ĉio en la universo jam estus en ĝi. Sed kio se ni
ignorus graviton kaj imagus ke EKZISTAS ne-akcelebla objekto? Nu, unue ĝi
estus fonto de senfina senkosta kurento kaj permesus ke ni vivu en 100%-e
ĝoja utopia socio kaj rompu la
duan leĝon de termodinamiko kaj verŝajne ankaŭ kreu portalojn kaj
tempovojaĝadon (oni povas fari multe
per senfina energio). Sed pli grave, se du el ĉi senfine masivaj
ne-akceleblaj objektoj moviĝus unu ale al la alia kaj kolizius, laŭ
definicio ne eblas ke la rapido de ajna el la du ŝanĝiĝas, la ununura eblo
estas ke ili rekte trapasas unu la alian sen ajna influo de unu al la alia.
– Ne Forgesu Mojosi.
About
We publish the transcription of a YouTube video. This is useful for: search, language learning.